تشيز كيك اللوتس من مطبخ لجينة طارق

52551363_481780282353630_6355788128988430336_n

تقدم لجينة طارق لقارئات مجلة بنات كيوت طريقة عمل تشيز كيك اللوتس بمكونات بسيطة وطريقة سهلة

– اول حاجه طبقة البسكوت
  في الكبه هنطحن ٢٥ بسكوته من اللوتس مع ٥ من اي بسكوت ساده عادي (يفضل دايچيستيڤ) ، بعد مايتطحن البسكوت هنضيفله ٥٠ جم زبده سايله مع معلقة من اللوتس سبريد و نخلط تاني في الكبه ، الخليط هيبقى عامل زي الرمله المبلوله ، هندهن الصينيه بالزيت خفيف من القعر والجوانب و نحط طبقة البسكوت ونوزعها ونساويها كويس جدا و نشيلها في التلاجه لحد مانحضر الطبقه اللي بعدها .
– الطبقه التانيه :

هنخلط ٦ وحدات من الجبنه الكيري او اي جبنه قابله للدهن مع معلقتين قشطه معلبه ، معلقه كبيره سكر ابيض ، علبة حليب مكثف محلى صغيره ، و في بوله تانيه هنخلط ٢٥٠ مل من كريمة الخفق مع بودرة كريم شانتيه بالمضرب الكهربائي و نضيف معلقه من اللوتس سبريد ونخلط ، وبعد كده نحط الخليطين على بعض ونضربهم علشان يتجانسوا سوا وبعدين نضيفهم على طبقة البسكوت و نوزعها برضه ونساويها كويس جدا و نشيلها في التلاجه من ٦ ل ٨ ساعات .
– لتحضير اخر طبقه :

هنحط نصف كوب سكر ابيض او بني يتكرمل عالنار ونضيفله مكعبين زبده صغيرين بعد مايتكرمل ، كريمة خفق ، معلقة قشطه معلبه و معلقه من اللوتس سبريد ، و نخلطه كويس و لما يبتدي يغلي كده نطفي ولما يبرد تماما نحطه على طبقة الكريمه والجبنه ونسيبه شويه في التلاجه لحد التقديم ونزوقها من فوق على ذوقنا .

تشيز كيك اللوتس تشيز كيك اللوتس

مقالات ذات صله